العوامة او لقمة القاضي حلويات لذيذة خاصة في رمضان اليكم افضل طريقة لعمل العوامة
2 كوب طحين
1علبة قيمر نستلة
2 ملعقة كبيرة جبن كرافت القلاص (اي جبن كرافت لا تستغربون)
بيضة
1 ملعقة كبيرة نشا
1 ملعقة كبيرة خميرة
1 ملعقة كبيرة شكر
ملح هيل زعفران
ماي للعجن (كوب ونص يقل او يزيد)
الطريقة
نخلط القيمر +الجبن+البيضة عدل بخلاط اليد موالكهربا ونضيف باقي المقادير ونخليها تتخمر الحين طريقة الصب وهنيه السر الشيرة لازم تكون باردة وانا اخليها بالثلاجه على طول لحد مااشيل اللقيمات من الزيت اطلع كمية احطها على اللقيمات وارجع اللي صبيته الفريزر عشان يبرد مرة ثانيه للصبه اللي وراها الحين الصب اغلبكم يعرف الطريقة باليد اليسار تاخذين عجين وتعصرينه مخلية ايدج كانج بتعطين احد بوكس على ويهه لما تعصرين تطلع العجين من صوب الابهام والسبابه بايدج اليمين استعملي قفشه وسط مغموسه بماي شيلي كرة العجين وعلي طول بالزيت اللي يكون حار وتقصرين عليه قبل لا تصبين وصبي بسرعة اذا شفتي الكرة تتحمر بسرعة نطري شوي لحد الزيت مايبرد يعني لازم تصبين والكرة تنتفخ وترتفع فوق بدون لاتتحمر بسرعة لانها لازم تتحمر على راحتها اذا انترس المقلي قعدي قلبي اللقيمات بالزيت مدة خمس دقايق لحد ماتحسين الكور صارت يابسة ارفعي النار شوي عشان تتحمر وعقب شيليها من الزيت وخليها بمشخال علي ماتصبين المرة الثانية بنفس الطريقة لما تكملين الصبة الثانية ردي للاولى حطيها بالشيرة الباردة قلبيها شوي وشيليها وردي الشيرة للفريزر عشان تبرد للصبة اللي وراها لحد ما تكملين العجينه كلها الطريقة هذي تخلي لقيماتج يابسة لحد آخر الليل ماتتغير ولا تليين من برة يابسة ومن داخل لينه وفيها شيرة اتمنى تجربونها وتعطوني رايكم
ليست هناك تعليقات:
إرسال تعليق