السلام عليكم ورحمة الله
ورمضان كريم
اليوم رح نحكى ونصور المخشي
بنكتب الطريقه
لست اشخاص
٢كيلو كوسا حبة صغيرة
كيلو لبن رايب نعاج او اي لبن مضمون
وكيلو شنينه ممتازة
نص كيلو لحمة مفرومة
تلات بصلات
صنوبر اذا بتحبو مو ضرورى هو بس حسب
زيت ذرة
بودرة ماجى
فلفل اسود ومعلقه نعنع ناشف عند التقديم
كركم
بهار مشكل
ملح
رشه هيل معلقه سمنة
رشه قرفه
رشه زنجبيل
طبعا رز مفلفل جنبو
الطريقه
بنحفر الكوسا سميكة شوى مو متل المحشي العادى بنقور تمها اوسع شوى
بنغسلها بمى وملح
بنفرم البصل ناعم وبنقلبو بزيت الذرة ليدبل
وبنضيف اللحمة بنقلبها لحتى تستوى بنطفي عليها وبنضيف شوى من كل البهارات الموجودة وبنترك شوى من البهار للشوربه
طبعا انا ما كتبت كم كميه البهار بس كلشي حسب ست البيت شو بتحب
يعنى تقريبا معلقه كبيرة من كلشي بتقسموها عالجهتين من تتبيله اللحمة وشوربة اللبن
المهم نحشي الحبات حشي فل طبعا كلهم بنحمى زيت ذرة كميه منيحه بس ما تغمر الكوسا وسط بنقليهم عالجهتين حتى يشقرو
بنغلي مى بطنجرة بنسقط الكوسا بعد ما تغلي المى
عشان نتخلص من الزيت لانو اولا مش صحى تانيا بعكر شوربة اللبن بتصير عسواد واصلا زيت الكوسا بتوسخ ما لازم نحط الكوسا باللبن من دون ما نغلي مى ونتخلص من كل الزيت الاسود هاي المعلومة بتحطوها بالكم ضرورى جداً
بالصور رح تنتبهو انا رح اكتب عالصور وان شالله ما يعلق الفيس
بعد غلي الكوسا دقيقتن بالمى بنصفي الكوسا بنجهز لغلي اللبن
طبعا غلي اللبن
طبعا انا بخفق اللبن بالخلاط بمعلقه نشا كبيرة
وبعدين بغلي بعد الغلي بسقط الكوسا باللبن
مده ست دقايق او عشر بس ما تزيد
وبقلي الها توم وبطش على وجها مع اضافه طبعا باقي البهار
والفلفل الاسود
والكركم ووبودرة الماجى
بشوف سماكة اللبن وبطفي الغاز وبعمل جنبها رز مفلفل
ليست هناك تعليقات:
إرسال تعليق