البرياني الهندي ع اصوله والطعم روعة
أول شي بنجهز خمس بصلات كبار مقطعين شرحات وبنحطهم بمصفاية وبنرش عليهم معلقتين طحين ومعلقة نشا وبنجهز زيت سخن كتير وبننزل بالبصل لحتى يطلع مقرمش معنا
بعدين بنحتاج :
كيلو صدور دجاج بتقطعيهم مكعبات
وبنضيف عليهم علبتين زبادي / 4 بندورة مقشرة ومقطعة مكعبات / معلقة صغيرة ملح / معلقة صغيرة فلفل / معلقة كبيرة بهارات برياني / معلقة كبيرة ماء الورد / 5 فص توم مدقوق / قطعة زنجبيل وسط مدقوقة / نص ضمة نعنع مفروم ناعم / نص ضمة كزبرة مفرومة ناعم / 4 معالق كبار من البصل المقلي / معلقتين زيت نباتي
وبنترك الدجاج منقوع فيهم ع الأقل ساعتين
بعد هيك بنحط خليط الدجاج بطنجرة ع نار عالية لحتى يغلي شوي وبعدين نوطي النار ونتركه لحتى يستوي وتنشف السوائل عنه
بنكون ناقعيين الارز البسمتي شي ساعة وبعدين نحط ميه سخنة ع النار مع ملح وفلفل وبهارات البرياني وهيل وبنسلقه متل سلق المعكرونة وبس يستوي بصفيه كويس
كل كوب ارز بدو معلقة صغيرة ملح وفلفل وبهارات
بنحط طبقة من الارز المسلوق أو بسموه مشخول فوق الدجاج وطبقة بصل ونعنع وكزبرة وكمان طبقة ارز وبنتركه ثلث ساعة ع نار هادية
وقبل ما نطفي النار بشوية بنجهز فنجان صغير فيه معلقتين كبار ماء الورد مع لون أصفر
ومعلقتين تانيين ماء الورد مع لون برتقالي
وبنصبه فوق الارز ع شكل إشارة + وبنشيله عن النار وبنخليه يرتاح عشر دقايق قبل التقديم
يزيين بالزبيب والمكسرات المقلية والبصل المقلي
ويقدم مع الدقوس
بندورة
فليفلة حارة
كزبرة
توم
ملح وفلفل
ليمون
زيت زيتون
كله بالخلاط وتقدم باردة
ليست هناك تعليقات:
إرسال تعليق