الثلاثاء، 5 ديسمبر 2017

تجيز كيك كريم الكرميل الشهية


المقادير

4 حبات جبن كيرى
200 جرام جبن كريم (نصف العبوة الموجودة فى الصورة) ف منها انواعا كتير ف السوبر ماركت
باكيت كريم كراميل
علبة زبادى
ربع كوب لبن حليب
باكيت كريم شانتيه
2 ملعقة سكر
باكو بسكويت دايجستف ال بالقمح ((لان احلى ف الطعم من اى بسكوت تانى)
نص باكو زبدة

على فكرة ال creamy chesse دى موجودة ف السوبر ماركت اسماء وانواع كتيرة انا جبت جبنة اسمها prima

المهم يكون مكتوب على نوع الجبن ((الجبن الكريم)) او ال creamy chesse

وف الريكوتا للحلويات دى اجمد منها على فكرة وطعمها بيطلع خطيررررررررررر

قبل اى حاجة هتجيبى باكو البسكوت مع الزبدة وتضربيهم ف الخلاط لحد ما يبقى زى البودرة او الرمل الخشن كدة

وتجيبى القالب ال هتعملى ف الكيك وتحطى البسكويت وتساوية بالملعلقة

بالمضرب الكهربائى نضرب الكريم شانتيه مع اللبن الحليب

وبعدين نضيف الزبادى وباكيت الكريم كراميل والسكر ونخفق

ونضيف الجبنة الكريم مع الكيرى ونخفق

وطبعاً مجهزين البسكوت المطحون والمخلوط مع الزبدة

وفردته فى القالب

وبعدين اصب الخليط فوقه واساويه

وطبعا ممكن تحطى الكراميل على الوش من فوق

وبتدخل التلاجة لمدة لا تقل عن 6 ساعات خلى بالك بقول 6 ساعات

لان قبل كدة هتبقى مايصة وبتسيح ومش هتعرفى تاكليها

يهنى احسن حاجة تعمليها اول ما تصحى الصبح او من بليل علشان تعرفى تاكليها لو عزومة او تانى يوم

ولو سبتيها كتير برة التلاجة هتسيح الجبنة

وبالهنا والشفا

ليست هناك تعليقات:

إرسال تعليق