الدوناتس المقادير: 2 كوب طحين او اكتر (حسب الحاجة) ملعقتين كبار سمنة او زبدة كباية حليب سائل سخن او حسب الحاجة ربع ملعقة زغيرة ملح نص كباية سكر ملعقة ونص زغيرة خميرة مدوبة بشوية مي فاترة وسكر بيضة للتنكيه ممكن نضيف فانيليا او ملعقة زغيرة محلب الطريقة: منخلط المواد الناشفة مع بعض منضيف البيضة منعمل حفرة بالطحين منضيف البيضة ومنحط عليها نقطتين خل ومنخلطهن منيح . مندوب السمنة ومنضيفها مع الحليب تدريجيا لنحصل على عجينة طرية ناعمة اذا كانت عم تلزق بالايد منضيف طحين شوي شوي منغطيها لتتخمر ساعة او اكتر. منرقها العجينة ونتركها سميكة حوالي 3 سم منقطعها بالكباية وبالنص بسدة زغيرة او اية الة مطبخ او بسكوت ومنحط الدوناتس بصينية مرشوشة طحين منغطيهن يرتاحوا نص ساعة وبعدها منقليهن ومنحطهن ع محارم المطبخ يصفوا الزيت بس يبردوا تماماً مندوب شوكولا ومنغطسهن ومنرشهن سكر ملون
ليست هناك تعليقات:
إرسال تعليق