الكبة المشوية
كيلو هبرة عجل مخفوقة وحطيت كمان شريحة صدر دجاج مشان تدبق اكتر
2كيلو برغل مخلوط ابيض وغامق بحط كاستين غامق والباقي ابيض وحسب الرغبة
بصلة كبيرة مقطعة ارباع
ملح
الحشوة
نص كيلو لحمة مفرومة بقليها مع سمنة وحبة بصل صغيرة مفرومة ناعم لحتى تستوي وتنشف ببهرها بملح وفلفل ورشة زنجبيل وقرفة وبس تبرد بحط معها كيلو شحمة مفرومة
وبقطع فليفلة حمرا حارة
وممكن تحطي مكسرات انا ما بحب
وممكن تتحكمي بكمية الشحمة انا بحبها كتيررة وحتى بعمل كم حبة بس بشحمة
الطريقة
بببل البرغل بالمي الباردة ليصير متل رمل البحر وبتركه عشر دقايق مغطى
بعدها بفرمه مع البصل اول دور عالشفرة الناعمة وبمزج معه الهبرة وبفرمهن سوا عالشفرة الوسط بالاستعانة بالماء البارد
وخلص صارت العجينة جاهزة ..طبعا حسب نعومة البرغل احتاج بس هالدورين
بعدها بعجنها كتير منيح وبخبطها بالجاط وبشكلها كرات وبكبسها بالاستعانة بعلبة حليب اطفال وبحط الحشوة عاول دائرة وبغطيها بدائرة تانية وبختمها بايدي وبمهد السطح و هيك لتخلص الحبات
والشوي على الفحم
والف عافية
ليست هناك تعليقات:
إرسال تعليق